Ian Baraclough hefur verið ráðinn landsliðsþjálfari Norður-Írlands. Tekur hann við starfinu af Michael O'Neill sem hættir með landsliðið þar sem hann er tekinn við Stoke í Championship-deildinni.
Baraclough er 49 ára gamall og var síðast þjálfari U21 landsliðs Norður-Írlands. Hann er fyrrum knattspyrnustjóri Scunthorpe United, Sligo Rovers og Motherwell.
Baraclough er aðeins annar Englendingurinn sem tekur við Norður-Írlandi.
Baraclough segir mikinn heiður að vera orðinn A-landsliðsþjálfari og nú fær hann það verkefni að stýra Norður-Írum í gegnum umspilið fyrir EM, sem á að fara fram næsta sumar. Norður-Írar eiga að mæta Bosníu, og ef þeir vinna það þá mæta þeir annað hvort Írlandi eða Slóvakíu.
Athugasemdir