Aston Villa hefur gengið frá kaupum á hollenska vinstri bakverðinum Ian Maatsen fyrir um 37,5 milljónir punda en hann kemur til félagsins frá Chelsea.
Maatsen, sem er 22 ára gamall, var á láni hjá Borussia Dortmund á síðasta tímabili og var valinn í lið ársins í Meistaradeild Evrópu er Dortmund fór alla leið í úrslitaleikinn.
Chelsea var meira en reiðubuið til þess að leyfa honum að fara frá félaginu. Dortmund vildi halda honum en Aston Villa hafði betur í þeirri baráttu.
Félögin náðu samkomulagi um kaup og sölu á Maatsen, sem kemur til Aston Villa fyrir 37,5 milljónir punda. Hann gerði sex ára samning við Villa í dag.
Maatsen er staddur með hollenska landsliðinu á Evrópumótinu í Þýskalandi.
Þetta eru önnur kaup Unai Emery í sumarglugganum og má búast við frekari fregnum af leikmannakaupum hjá félaginu á næstu dögum.
Aston Villa is delighted to announce the signing of Ian Maatsen from Chelsea. ?
— Aston Villa (@AVFCOfficial) June 28, 2024
Athugasemdir