Haddi hugsar fjórða dómara þegjandi þörfina í leiknum í dag.
Sævar gengur ósáttur af velli eftir rauða spjaldið.
„Mjög súrt. Mér fannst við eiga að fá eitthvað úr þessum leik. Bæði lið flott, jafn leikur og ætli jafntefli hefði ekki verið sanngjörn niðurstaða. Bæði lið gátu stolið þessu og þeir gerðu það. Við klúðruðum dauðafæri og þetta var eini sénsinn sem þeir fengu. Þannig er bara fótbolti, ef þú ert ekki með einbeitingu í 90mín plús þá refsa góð lið," sagði Hallgrímur Jónasson, þjálfari KA, eftir leikinn gegn Víkingi í dag.
Sigurmark leiksins kom undir lokin og var það Færeyingurinn Gunnar Vatnhamar sem gerði eina markið.
Sigurmark leiksins kom undir lokin og var það Færeyingurinn Gunnar Vatnhamar sem gerði eina markið.
Lestu um leikinn: Víkingur R. 1 - 0 KA
„Við spilum frábæran leik á móti flottu Víkingsliði. Við erum bara á góðum stað hvað það varðar. Hins vegar erum við svekktir með stigasöfnunina, við förum heim svekktir í kvöld og svo erum við bara klárir. Ég held að allir sjái það og meira segja sagði þjálfari Víkinga að þeir hefðu ekki lent í svona veseni á heimavelli eins og við vorum að valda þeim í fyrri hálfleik. Við erum sárir og svekktir en samt ánægðir með frammistöðuna."
Gunnar kom með djúpt hlaup og keyrði inn á teiginn þar sem laust pláss var. Boltinn kom þangað og úr varð mark.
„Gunnar er bara miðjumaður sem kemur inn á teiginn. Við eigum bara að klára hann. Þeir fá eitt færi þar sem þeir eru ótruflaðir og hann klárar vel."
Næstu mínútur eru KA menn mjög ósáttir við Vilhjálm Alvar dómara. „Ég var virkilega ósáttur með hann, mér fannst þeir vera að kasta sér niður um allan völl og fannst hann falla í þá gildru. Svo er ég ósáttur við að það var systematískt verið að gera hlutina erfiða fyrir utan völlinn; boltastrákarnir reknir í burtu, fullorðnir karlmenn í vestum sparkandi boltanum í burtu þegar við eigum innkast og erum að fara taka þau."
„Þetta er rosalega slappt, ég mæli með að þið kíkið á þetta." Varðandi boltasækjarana þá fékk fréttaritari ábendingu um að í því tiltekna atviki hafi boltasækjari verið að ná í bolta sem sparkað var yfir auglýsingaskiltin. KA menn sáu það ekki þannig; mögulega voru atvikin fleiri.
Viðtalið í heild má sjá efst í spilaranum
