Bjarni Jóhannsson
Bjarni Jóhannsson, þjálfari ÍBV, var sáttur með stigin þrjú í Laugardal í dag en segir sína menn hafa getað gert út um leikinn mun fyrr.
Þróttarar léku manni færri frá því á 38.mínútu þegar Hallur Hallsson fékk rautt spjald. Mikkel Maigaard Jakobsen kom svo Eyjamönnum yfir snemma í síðari hálfleik og reyndist það eina mark leiksins.
„Við hleyptum þessu í óþarfa spennu. Við vitum að lið sem lendir einum manni færri tekur ákveðna sénsa þegar líður á leikinn og við vorum alveg ótrúlega óskynsamir. Við áttum mjög álitleg hraðaupphlaup þar sem síðasta ákvörðun, sending eða slútt var handónýt," sagði Bjarni.
Hann gat ekki tjáð sig mikið um atvikið umdeilda þegar Hallur fékk rautt spjald.
„Ég verð að sjá það aftur. Menn fullyrða að hann hafi slegið til hans en ég get ekki tjáð mig um þetta að öðru leyti." sagði Bjarni sem talaði einnig um gott útivallargengi sinna manna en Eyjamenn hafa unnið tvo af þrem útileikjum sínum á þessari leiktíð.
Hér að ofan má sjá viðtalið í heild sinni.
Sjá einnig:
Myndband: Hallur fékk rautt fyrir að slá Eyjamann í punginn
Gregg: Versta frammistaða sem ég hef séð hjá dómara
Hallur Hallsson: Þetta var ekki högg í pung
Mikkel Maigaard: Hann sló mig í djásnið
Athugasemdir
