Víkingur Ólafsvík er búið að ráða Brynjar Kristmundsson til starfa sem aðstoðarþjálfara meistaraflokks karla.
Brynjar býr yfir mikilli reynslu úr íslenska boltanum og var hann leikmaður Víkings í tæpan áratug.
Brynjar hefur einnig leikið fyrir Val, Fram og Gróttu á ferlinum en hann lék fyrir Þrótt Vogum síðustu tvö tímabil. Hann lagði skóna á hilluna í fyrra vegna meiðsla.
Brynjar er aðeins 28 ára gamall og verður áhugavert að sjá hvað hann færir Ólafsvíkingum í sumar. Víkingur Ó. endaði í fjórða sæti Inkasso-deildarinnar í fyrra, sem mun heita Lengjudeildin í ár.
Brynjar á 127 keppnisleiki að baki fyrir Víking Ó.
Athugasemdir