banner
   mán 29. maí 2023 10:30
Jóhann Þór Hólmgrímsson
Barcelona hefur áhuga á Bruno Guimaraes
Powerade
Mynd: Getty Images
Mynd: Fótbolti.net - Hafliði Breiðfjörð
Mynd: Getty Images

Slúðurpakki dagsins í boði BBC er kominn í hús.


Barcelona vill kaupa brasilíska miðjumanninn Bruno Guimaraes en félagið telur að það þurfti að splæsa 100 milljónum evra (87 milljónum punda) til að sannfæra Newcastle að selja þennan 25 ára gamla leikmann. (Times)

Real Madrid íhugar að ræða við Roberto Firmino, 31, sem verður án félags í sumar þegar samningur hans við Liverpool rennur út. (Fabrizio Romano)

Mauricio Pochettino fyrrum stjóri Tottenham og PSG hefur skrifað undir þriggja ára samning við Chelsea. (Guardian)

Brasilía heldur í vonina um að sannfæra Carlo Ancelotti stjóra Real Madrid til að taka við landsliðinu. Fimmföldu heimsmeistararnir hafa verið án félags síðan Tite hætti eftir HM í Katar í desember. (Athletic)

James Maddison, 26, er einn af mörgum sem mun yfirgefa Leicester eftir að félagið féll úr úrvalsdeildinni. (Mirror)

Leeds United mun ekki standa í vegi fyrir Jack Harrison, 26, ef rétta tilboðið kemur í þennan enska vængmann. (Leeds Live)

Liverpool hefur áhuga á Sergej Milinkovic-Savic, 28, miðjumanni Lazio en hann er metinn á 26 milljónir evra. Samningur hans við ítalska félagið rennur út á næsta ári. (Calciomercato)

Líkurnar eru orðnar miklar á því að Man Utd næli í Kim Min-Jae og Victor Osimhen leikmenn Napoli eftir að sögusagnir fóru af stað um framtíð Luciano Spalletti stjóra ítalska félagsins. (Givemesport)

Newcastle hefur einnig áhuga á Kim Min-Jae. (Fijaches)

Sheffield United fylgist með Lewis O'Brien miðjumanni Nottingham Forest sem er á láni hjá DC United. (Sun)

Alexis Sanchez, 34, vill snúa aftur í úrvalsdeildina en hann er án félags eftir að hafa yfirgefið Marseille. (Sun)


Athugasemdir
banner
banner
banner
banner