Ronaldo spilar við Rayo Vallecano á sunnudag
Mynd: EPA
Mynd: EPA
Það vakti athygli fyrr í dag þegar leikmannahópur Manchester United fyrir æfingaleik gegn Atletico Madrid var kynntur í dag.
Þar var engan Cristiano Ronaldo að finna og virtist Portúgalinn ætla að missa af öllu undirbúningstímabili Rauðu djöflanna en sú er ekki raunin.
Ronaldo mun ekki spila gegn Atletico á morgun en hann verður með í sunnudagsleiknum gegn Rayo Vallecano. Hann greindi frá því sjálfur með ummælum á Instagram.
Erik ten Hag skiptir leikmannahópi Man Utd upp í tvennt og þannig getur liðið spilað tvo leiki á tveimur dögum.
Þetta verða síðustu æfingaleikir Man Utd fyrir komandi tímabil þar sem liðið heimsækir Brighton í fyrstu umferð.
Ronaldo er talinn vilja yfirgefa Manchester en félagið vill ekki selja hann.
