Chelsea hefur blandað sér í baráttuna um Jude Bellingham (19), miðjumann Dortmund og enska landsliðsins. Verðmiðinn á honum er um 130 milljónir punda en Liverpool og Real Madrid vilja einnig fá hann. (Telegraph)

Lionel Messi (35), sóknarleikmaður Paris St-Germain, gæti snúið aftur til Barcelona samkvæmt varaforsetanum Eduard Romenu sem sagði við spænsku útvarpsstöðina El Mati de Catalunya Radio að það væri raunhæft að sækja hann. (Sun)

Manchester City áætlar að ræða við Bernardo Silva (28) til að komast að því hvort hann muni reyna aftur að yfirgefa félagið eftir tímabilið. Síðustu tvö sumur hefur hann gefið í skyn að hann vilji fara annað. (Mail)

Arsenal hefur enn áhuga á miðjumanninum Douglas Luiz (24) hjá Aston Villa en Thomas Partey (29) hefur verið mikið á meiðslalistanum. Arsenal gerði misheppnaðar tilraunir á gluggadeginum síðasta til að fá Luiz en ætlar að gera aðra tilraun. (Sun)

Barcelona hefur áhuga á þýska miðjumanninum Ilkay Gundogan (31) en þýski miðjumaðurinn á aðeins eitt ár eftir af samningi sínum. (Sport)

Hasan Salihamidzic íþróttastjóri Bayern München hefur komið Sadio Mane (30) til varnar en senegalski sóknarmaðurinn hefur ekki skorað í síðustu fimm leikjum fyrir Þýskalandsmeistarana. (Bild)

Anthony Gordon (21), framherji Everton, var sterklega orðaður við Chelsea í sumar en segist ekki hafa fundið fyrir neinni þörf til að yfirgefa Goodison Park. (Metro)

Úlfarnir eru sagðir hafa tryggt sér Sílemanninn Dario Osario frá Universidad de Chile (18) fyrir 5,5 milljónir punda. Real Madrid og Manchester City voru áður orðuð við miðjumanninn unga. (Express)

Tottenham hefur áhuga á að fá slóvenska markvörðinn Jan Oblak (29) frá Atletico Madrid til að taka við markvarðarstöðunni af Hugo Lloris (35). (Evening Standard)

Nasser al-Khelaifi, forseti Paris St-Germain, segir að UEFA eigi að rannsaka lögmæti þess hvernig Barcelona fjármagnaði leikmannakaup sín í sumar. Hann segir aðferðir félagsins ekki sanngjarnar. (ESPN)

Tottenham mun kaupa sænska sóknarleikmanninn Dejan Kulusevski (22) alfarið frá Juventus þegar lánssamningurinn rennur út. (Fabrizio Romano)

Atletico Madrid hefur áhuga á David de Gea (31) en samningur spænska markvarðarins við Manchester United rennur út eftir tímabilið. (90min)

Everton hefur tjáð sóknarmanninum Salomon Rondon (33) að honum sé frjálst að finna sér nýtt félag í janúar. Venesúelamaðurinn virtist á leið til Tyrklands í sumar en ekki tókst að ganga frá því. (Football Insider)

Portúgalski hægri bakvörðurinn Diogo Dalot (23) vonast til þess að fá nýtt samningstilboð frá Manchester United. Barcelona, Juventus, Atletico Madrid, AC Milan og Roma fylgjast með þróun hans. (Manchester Evening News)

Chelsea gæti keypt enska sóknarmanninn Tammy Abraham (24) til baka frá Roma með 67 milljóna punda ákvæði. (Fabrizio Romano)

Christian Pulisic (24) vill ekki lengur yfirgefa Chelsea þar sem hann sér möguleika á að sýna sig og sanna undir stjórn Graham Potter. Hann var í sumar orðaður við Manchester United og fleiri félög. (Evening Standard)

Chelsea vill fá slóvakíska varnarmanninn Milan Skriniar (27) frá Inter en samningur hans rennur út eftir tímabilið. (Calciomercato)

Viðskiptamaðurinn Bill Foley frá Las Vegas nálgast yfirtöku á Bournemouth en kaupin gætu orðið frágengin á næstu sjö dögum. (Mail)