„Það gleður okkur að staðfesta samkomulag út tímabilið við vinstri bakvörðinn Dzimi, eða einfaldlega bara “Jimmy” eins og hann er kallaður," segir í tilkynningu Ægis.

Dzimi kemur til félagsins frá Borac Paracin sem leikur í þriðju efstu deild Serbíu. Dzimi er með flotta ferilskrá en hann hefur leikið 40 leiki í Superligunni, efstu deild Serbíu, og hátt í 100 leiki í næstefstu deild Serbíu.

Dzimi spilaði sinn fyrsta leik fyrir félagið í 1-1 jafntefli gegn Vestra í morgun þar sem liðin eru að ljúka æfingaferð í Salou á Spáni. „Dzimi var virkilega flottur í leiknum og mun vafalítið styrkja hópinn fyrir komandi átök í Lengjudeildinni," segir jafnframt í tilkynningunni.

Eins og frægt er orðið þá mun Ægir leika í Lengjudeildinni í sumar.