Marija Radojicic lék ekkert með Fylki í fyrrasumar eftir að hafa lent í bílslysi skömmu fyrir mót.
Kjartan Stefánsson, þjálfari Fylkis, staðfesti í gær að Marija yrði ekki með Fylki í sumar.
Kjartan Stefánsson, þjálfari Fylkis, staðfesti í gær að Marija yrði ekki með Fylki í sumar.
„Það talaði nánast enginn um að það hafi vantað hana en þá kom bara maður í manns stað," sagði Kjartan.
„Hún er ekki að koma aftur inn fyrir þetta tímabil. Hún er enn að ná sér og hefur ekkert getað æft. Ég held að hún komi ekki til baka á þessu ári."
Marija verður 29 ára gömul. Hún er serbneskur framherji sem gekk í raðir Fylkis fyrir tímabilið 2018 og skoraði alls 16 mörk tímabilin 2018 og 2019.
Athugasemdir