Celta krækti í Douvikas og Bamba (Staðfest)

Hjá Utrecht skoraði Douvikas 22 mörk í 38 leikjum á síðustu leiktíð og greiðir Celta 12 milljónir evra fyrir, auk prósentuhlutfalls ef leikmaðurinn verður seldur áfram.

Góðar líkur eru á því að Celta muni bæta leikmönnum við sig á lokadögum félagsskiptagluggans, eftir sölu á Gabri Veiga til Al-Ahli fyrir um 40 milljónir evra. Þá missti félagið einnig Javi Galan til Atletico Madrid í sumar og þá er Denis Suarez farinn til Villarreal á frjálsri sölu eftir rifrildi við eiganda Celta.

Kantmaðurinn Jonathan Bamba er þó kominn til félagsins á frjálsri sölu frá Lille. Bamba var meðal annars eftirsóttur af Nice og Marseille í franska boltanum en hann ákvað að skipta yfir til Spánar frekar.

Bamba er 27 ára kantmaður sem þótti gífurlega mikið efni á sínum tíma þar sem hann spilaði 21 leik með U21 landsliði Frakka en tók aldrei stökkið upp í A-landsliðið. Hann hefur gefist upp á að reyna og er byrjaður að spila fyrir landslið Fílabeinsstrandarninar í staðinn.

Bamba hefur verið eftirsóttur af ýmsum stórliðum undanfarin ár en hann kom að 13 mörkum í 35 leikjum með Lille á síðustu leiktíð.

Sænski miðvörðurinn Carl Starfelt er þá einnig kominn eftir tvö frábær ár hjá Celtic í skoska boltanum, ásamt Carlos Dotor sem er miðjumaður sem kemur upp úr akademíunni hjá Real Madrid.

Að lokum krækti félagið í Manu Sanchez, vinstri bakvörð sem er uppalinn hjá Atletico Madrid, til að fylla í skarðið fyrir Javi Galan, sem er einn af bestu bakvörðum spænska boltans.

Celta rétt forðaðist fall á síðustu leiktíð og hefur aðeins nælt sér í eitt stig úr fyrstu þremur umferðunum á nýju tímabili.

???????? ???????????????????????????????? ??
1?2? pic.twitter.com/EMzZmBJZyk

— RC Celta English (@RCCeltaEN) August 29, 2023