Ross Barkley til Aston Villa (Staðfest)

Aston Villa hefur fengið miðjumanninn Ross Barkley á láni frá Chelsea út tímabilið.

Barkley hefur færst neðar í goggunarröðinni hjá Chelsea í sumar og félagið var tilbúið að lána hann.

Barkley hefur spilað 52 leiki með Chelsea síðan hann kom frá Everton í janúar árið 2018.

<i>„Að fá leikmann með gæði á við Ross er mikill liðsstyrkur fyrir félagið og ég er viss um að hann muni standa sig vel hér og bæta liðið,"</I> sagði Dean Smith stjóri Aston Villa.