Llorente til Roma (Staðfest)
Mynd: Roma
Mynd: Roma
Diego Llorente er genginn til liðs við Roma á láni frá Leeds út þessa leiktíð.
Roma er með forkaupsrétt á leikmanninum næsta sumar og fyrirhugað er að hann gangi alfarið í raðir félagsins.
Það var ljóst að Roma þurfti að losa sig við einn varnarmann til að geta skráð Llorente í hópinn en Matías Vina gekk til liðs við Bournemouth frá Roma fyrr í dag.
Llorente er 29 ára gamall miðvörður en hann gekk til liðs við Leeds sumarið 2020. Hann á að baki 54 leiki fyrir Leeds og hefur skorað fjögur mörk. Hann hefur ekki verið í stóru hlutverki að undanförnu.
???? #LUFC wishes Diego Llorente all the best, after the defender completed his loan move to AS Roma
— Leeds United (@LUFC) January 31, 2023
