Óttar Magnús í Serie C á láni (Staðfest)
Mynd: Venezia
Mynd: Venezia
Óttar Magnús Karlsson er genginn til liðs við Virtus Francavilla Calcio á láni frá Venezia en Virtus leikur í Serie C, þriðju efstu deild á Ítalíu.
Óttar var á láni hjá bandaríska liðinu Oakland Roots í fyrra þar sem hann skoraði nítján mörk í þrjátíu leikjum og lagði upp tvö mörk. Hann var valinn leikmaður ársins hjá félaginu.
Hann gekk til liðs við Venezia árið 2020 frá Víkingi en hann hefur ekki verið í hóp hjá liðinu síðan hann kom úr láninu frá Bandaríkjunum.
Virtus er í 10. sæti C-riðils í Serie C en liðin í 2.-10. sæti fara í umspil um sæti í Serie B.
Óttar Magnús Karlsson in prestito alla Virtus Francavilla.https://t.co/JHhh23wcxR#ArancioNeroVerde ?????????? pic.twitter.com/XLfYs9RRIn
— Venezia FC (@VeneziaFC_IT) January 31, 2023
