Fulham, sem hefur verið að gera gott mót í ensku úrvalsdeildinni, er að vinna hörðum höndum að því að styrkja sig á þessum gluggadegi.
Félagið var að landa serbneska landsliðsmanninum Sasa Lukic frá Torino á Ítalíu. Er kaupverðið um 10 milljónir evra fyrir þennan 26 ára gamla miðjumanninn.
Fulham er ekki hætt á markaðnum en félagið vonast til þess að landa bakverðinum Cedric Soares frá Arsenal áður en glugginn lokar síðar í kvöld.
The Athletic greinir frá því að búist sé við því að Fulham fái Cedric, en til þess þarf félagið þá að kaupa leikmann sem er nú þegar hjá Fulham á láni. Það er gert ráð fyrir því að Fulham muni þá kaupa miðvörðinn Shane Duffy frá Brighton, en hann hefur verið á láni hjá félaginu.
Fulham er sem stendur í sjöunda sæti ensku úrvalsdeildarinnar.
Athugasemdir