Malen, Maguire, Rashford, Greenwood, Yoro, Eriksen og fleiri góðir í slúðri dagsins
   fös 31. mars 2023 08:40
Ívan Guðjón Baldursson
Björn Aron heim í Víði (Staðfest)
Mynd: Víðir Garði

Víðir Garði er búinn að krækja sér í öflugan liðsstyrk í formi Björns Arons Björnssonar sem er uppalinn hjá Keflavík og með tvo leiki að baki í Lengjudeildinni.


Björn Aron er fæddur 2001 og ólst upp hjá Víði áður en hann skipti til Keflavíkur. Hann er kröftugur bakvörður og kantmaður sem á leiki að baki fyrir Víði í 3. deild og Reyni Sandgerði í 2. deild.

Þegar hann var hjá Víði sumarið 2021 var Björn kosinn besti leikmaður tímabilsins af stuðningsmönnum félagsins.

Hann mun spila með Víði í 3. deildinni í sumar eftir að félagið endaði í fjórða sæti í fyrra, með 35 stig úr 22 leikjum.

Björn er vel kunnugur staðháttum og kemur af mikilli Víðisætt, þar sem faðir hans Björn Vilhelmsson lék með gullaldarliði Víðis á sínum tíma sem leikmaður.


Athugasemdir
banner
banner
banner
banner