Gabriel Slonina mun fljúga til London í dag og klára félagsskipti frá Chicago Fire til Chelsea.
Slonina er 18 ára markvörður en kaupverðið er talið vera 15 milljónir dollara.
Hann hefur haldið tíu sinnum hreinu í 23 leikjum á þessari leiktíð en hann lék 11 leiki á þeirri síðustu. Það eru 11 leikir eftir af tímabilinu í ár en enginn hefur haldið oftar hreinu en sautján sinnum.
Slonina á að baki sjö landsleiki fyrir yngri landslið Bandaríkjanna. Hann á ættir sínar að rekja einnig til Póllands.
Hann mun klára tímabilið í Bandaríkjunum en ganga til liðs við Chelsea í janúar.
Athugasemdir
