Víðir Sig: Tíu markahæstu í Evrópukeppni

Tryggvi Hrafn Haraldsson komst í hóp tíu markahæstu manna íslenskra liða í Evrópumótum karla í gærkvöld. Þá skoraði hann bæði mörk Valsmanna þegar þeir slógu Zrinjski Mostar út í annarri umferð undankeppni Sambandsdeildarinnar með jafntefli í seinni leiknum í Mostar, 2-2.

Valsmenn unnu einvígið 3-2 og mæta Nordsjælland frá Danmörku í þriðju umferð undankeppninnar.

Tryggvi er markahæstur Valsmanna í Evrópukeppni karla með sjö mörk og er nú einn af þremur leikmönnum sem hafa skorað í Evrópumótunum í sumar og eru í hópi tíu markahæstu leikmanna íslenskra liða. Hinir eru Nikolaj Hansen og Emil Atlason.