Ronald Koeman, stjóri Everton, staðfesti áhuga félagsins á Gylfa Þór Sigurðssyni á fréttamannafundi í dag.
„Auðvitað höfum við áhuga á leikmanninum," sagði Koeman á fundinum.
Swansea vill fá 50 milljónir punda fyrir Gylfa en fyrr í vikunni hafnaði félagið tilboði frá Everton upp á 40 milljónir punda með möguleika á fimm milljóna punda bónusgreiðslum.
Aðspurður hvort Everton ætli að leggja fram nýtt tilboð sagði Koeman: „Ég veit það ekki."
Koeman staðfesti í dag að miðjumaðurinn Ross Barkley sé á förum frá Everton og það gæti aukið líkurnar á að Gylfi komi til félagsins.
Athugasemdir