Leitaðu í fyrirsögnum, texta eða eftir höfundi. Fyrsta slice notar staðlaðar fréttafærslur úr typed fixtures og heldur leitinni öruggri án backend-háðra SQL fyrirspurna.
Niðurstöður
Leit að "(Staðfest)" í fyrirsögn og texta skilaði 25086 niðurstöðum.
Leitin er nú fixture-backed og leitar eingöngu í stöðluðum fréttum. Leikir/skýrslur og endanleg backend-samningsleit eru enn ókláruð.
Íslenski landsliðsmaðurinn Jóhann Berg Guðmundsson hefur rift samningi sínum við Al Dhafra í Sameinuðu arabísku furstadæmunum, en þetta kemur fram í tilkynningu frá félaginu og Jóhanni á <i>Instagram</i>.
Atli Hrafn Andrason er mættur aftur í HK frá KR en hann semur við félagið út 2027.
Edward Still hefur verið ráðinn nýr stjóri Watford í ensku Championship-deildinni og skrifaði undir samning til tveggja og hálfs árs. Hann tekur við af Javi Gracia sem sagði upp eftir að hafa verið aðeins þrjá mánuði með stjórnartaumana.
Haukar tilkynntu í gær að Jón Gísli Stefánsson væri búinn að skrifa undir samning við félagið sem gildir til næstu þriggja ára. Hann kemur til Hauka frá Kormáki/Hvöt. Kantmaðurinn er uppalinn hjá Kormáki, fæddur árið 2004 og hefur einnig spilað með Tindastóli á sínum ferli. Hann fór árið 2022 á reynslu til sænska félagsins Örgryte.
Henríetta Ágústsdóttir hefur skrifað undir samning við HK sem gildir til ársins 2028. Henríetta, sem uppalin er hjá HK, er mætt aftur til félagsins frá Stjörnunni þar sem hún hefur verið síðustu tvö tímabil. Hún er tvítugur miðjumaður sem lék á láni hjá Þór/KA á síðasta tímabili. Hún skoraði tvö mörk í ellefu leikjum með liðinu. Henríetta á að baki tólf leiki fyrir yngri landsliðin og hefur skorað í þeim eitt mark.
Vestri tilkynnti í gær um komu Florencia Barraza til félagsins en hún er reynslumikill argentínskur varnarmaður. Hún á að baki feril í heimalandinu, Kosta Ríka, á Spáni og Ítalíu. Hún er 31 árs og bætist við hópinn hjá Vestra, en félagið hefur verið duglegt að sækja liðsstyrk í liðið sem er í 2. deild.
Njarðvík hefur samið við framherjann reynslumikla Guðmund Magnússon en hann gerir samning út þetta ár.
Tyrkneska stórveldið Besiktas bætti ýmsum leikmönnum við hópinn hjá sér í janúarglugganum og var miðvörðurinn Emmanuel Agbadou sá dýrasti.
Reynir Sandgerði var að styrkja leikmannahópinn sinn með tveimur nýjum leikmönnum fyrir komandi átök í 3. deildinni.
KÁ er búið að tryggja sér þjónustu Fannars Óla Friðleifssonar sem kemur úr röðum nágrannaliðs Hauka.
Magni er búinn að krækja í Ólaf Jóhann Bergmann Steingrímsson úr röðum Völsungs.
Hinn sextán ára gamli Mathis Eboué er búinn að skrifa undir sinn fyrsta atvinnumannasamning.
Franski varnarmaðurinn Jérémy Jacquet, sem Liverpool keypti á lokadegi janúargluggans, varð fyrir alvarlegum meiðslum á öxl og verður frá keppni næstu mánuðina.
Alex Oxlade-Chamberlain er genginn til liðs við Skotlandsmeistara Celtic en hann skrifaði undir samning út þessa leiktíð.
Kólumbíski landsliðsmaðurinn James Rodríguez hefur skrifað undir samning við bandaríska MLS-félagið Minnesota United. Um er að ræða stuttan samning sem gildir framyfir HM í sumar. James kemur á frjálsri sölu en strax eftir að hafa skrifað undir skellti hann sér á leik með Minnesota Timberwolves gegn New Orleans Pelicans (115-119) í NBA-deildinni í körfubolta. Þar fékk hann höfðinglegar móttökur. Rodriguez er orðinn 34 ára en hann hefur verið án félags síðan um áramótin þegar hann yfirgaf Leon í Mexíkó. Minnesota hafnaði 4. sæti Vesturdeildar MLS á síðustu leiktíð en tapaði í 2. umferð úrslitakeppninnar. <i>„HM er ástæðan fyrir því að ég er kominn hingað. Minnesota sýndi mér mestan áhuga og vildi mest fá mig. Ég ætla að sýna mínar bestu hliðar fyrir liðið,"</i> segir James sem hefur spilað fyrir Real Madrid, Bayern München, Everton og mörg fleiri lið á ferli sínum.
Lea Björt Kristjánsdóttir er búin að skipta um félag og hefur skrifað undir samning við Grindavík/Njarðvík eftir sjö ár með Þrótti Reykjavík.
Fram var að styrkja sig fyrir komandi átök í Bestu deild kvenna með tveimur nýjum leikmönnum og einni samningsframlengingu.
Hinn 18 ára gamli Orri Bjarkason er búinn að framlengja samning sinn við Breiðablik og heldur til ÍR á lánssamningi þar sem hann mun reyna fyrir sér í Lengjudeildinni.
FH tilkynnti rétt í þessu að sænski miðvörðurinn Tobias Carlsson væri búinn að gera tveggja ára samning við félagið. Hann er þrítugur og kemur frá sænska félaginu Sirius þar sem hann spilaði í þrjú tímabil. Alls á hann að baki 59 leiki í sænsku úrvalsdeildinni. Hann hefur spilað allan sinn feril í Svíþjóð. Hann er uppalinn hjá Grebbestads, fór svo til Varbergs, næst Häcken og hefur verið hjá Sirius frá 2023. Hann lék ellefu leiki tímabilið 2023, þrjá leiki 2024 þar sem meiðsli settu strik í reikninginn, og níu leiki á síðasta tímabili.
Tristan Freyr Ingólfsson er að mæta aftur á völlinn eftir langa fjarveru en hann hefur samið við Gróttu í Lengjudeildinni. Hann gerði tveggja ára samning við félagið í gær.