HK fékk Fram í heimsókn í Kórinn fyrr í kvöld, leikar enduðu með 1-0 sigri heimamanna. Með sigrinum komu HK sér úr fallsæti. Ómar Ingi, þjálfari HK kom í viðtal eftir leik.
Lestu um leikinn: HK 1 - 0 Fram
„Mjög erfið og fyrirhafnarmikil en um leið mjög sæt þrjú stig.
Það var ekki mikil ákefð í þessu, við vorum oft á tíðum of neðarlega. Við náðum aldrei góðri stjórn á leiknum en þeim mun sætara og því mun meira hrós á leikmennina að grinda þetta í gegn."
„Við vorum komnir með forystu, það var lítið eftir. Þetta eru augnablik sem við áttum mjög erfitt með í fyrra. Ég er mjög ánægður með hvernig mínir menn höndluðu síðustu mínúturnar."
HK hélt markinu hreinu í fyrsta sinn á tímabilinu
„Frábært, vonandi sem við getum byggt á og gert meira af. En við fengum líka þrjú stig þegar við fengum tvö mörk á okkur gegn KR. En klárlega gott að halda hreinu."
Viðtalið má sjá í heild sinni í spilaranum hér að ofan.
Athugasemdir
