Franski framherjinn Karim Benzema skoraði eina mark leiksins er Real Madrid vann Athletic Bilbao í spænsku deildinni í kvöld, 1-0.

Markið skoraði hann á 40. mínútu. Marco Asensio átti skot sem var varið út á Luka Modric. Króatinn reyndi skot en hitti boltann illa og datt hann fyrir Benzema sem skoraði.

Tólfta mark hans í deildinni á tímabilinu og sautjánda mark hans í öllum keppnum.

Real Madrid er á toppnum með 36 stig, sjö stigum meira en Atlético sem á leik inni.