Hildur skorar markið.

Mynd: Jónína Guðbjörg Guðbjartsdóttir

Heimakonur hafa verið sterkari aðilinn í leiknum. Íslensku stelpunum hefur gengið illa að halda í boltann og ná að skapa sér færi en það tókst eftir hálftíma leik.

Sædís Rún Heiðarsdóttir átti þá fyrirgjöf og Hlín Eiríksdóttir náði að stýra boltanum í áttina að Hildi sem potaði boltanum í netið.

Þetta er gríðarlega mikilvægt þar sem Ísland þarf að minnsta kosti stig til að komast í umspil um að halda sæti sínu í A deild Þjóðadeildarinnar.