02.02.23 - 07:00
Brynjar Ingi Erluson
Pappírarnir skiluðu sér átján sekúndum of seint
Mynd: Getty Images
Mynd: Getty Images
Barcelona var svo sannarlega hársbreidd frá því að ganga frá lánssamningi við mexíkóska varnarmanninn Julian Araujo frá Los Angeles Galaxy á gluggadag en pappírarnir skiluðu sér 18 sekúndum of seint.
Börsungar lögðu fram lánstilboð í þennan 21 árs gamla hægri bakvörð í gær með möguleika á að geta keypt hann í sumar.
Allt var frágengið og var því næst að senda pappírana í gegnum tölvu en bilun í tölvunarkerfinu varð til þess að þeir fóru í gegn átján sekúndum of seint.
Eins og staðan er núna verður ekkert af lánssamningnum en beðið er eftir svörum frá FIFA.
„Við náðum þessu ekki í tæka tíð útaf einhverri villu í tölvukerfinu en þetta skilaði sér átján sekúndum of seint. Við þurfum að bíða eftir ákvörðun frá FIFA,“ sagði Mateu Alemany, stjórnarmaður Barcelona.
Allt var frágengið og var því næst að senda pappírana í gegnum tölvu en bilun í tölvunarkerfinu varð til þess að þeir fóru í gegn átján sekúndum of seint.
Eins og staðan er núna verður ekkert af lánssamningnum en beðið er eftir svörum frá FIFA.
„Við náðum þessu ekki í tæka tíð útaf einhverri villu í tölvukerfinu en þetta skilaði sér átján sekúndum of seint. Við þurfum að bíða eftir ákvörðun frá FIFA,“ sagði Mateu Alemany, stjórnarmaður Barcelona.
