Lorenz Assignon til Burnley á láni - Roberts lánaður til Leeds (Staðfest)

Hægri bakvörðurinn Lorenz Assignon er kominn til Burnley á láni út tímabilið. Asssignon er 23 ára Frakki og kemur frá Rennes þar sem hann hefur leikið 60 leiki.

„Ég hafði úr nokkrum liðum að velja en ég spjallaði við stjórann (Vincent Kompany) og vildi strax koma hingað. Þetta er besta deild í heimi og ég vil taka þátt í henni," segir Assignon.

Burnley er í erfiðri stöðu í fallsæti í ensku úrvalsdeildinni en það var nokkuð um hræringar á leikmannamálum félagsins á gluggadeginum í gær.

Annar franskur varnarmaður, miðvörðurinn Maxime Esteve, kom á láni frá Montpellier og fyrr í glugganum hafði sóknarmaðurinn David Datro Fofana komið á láni frá Chelsea.