Þórir Jóhann Helgason var í byrjunarliði Braunschweig þegar liðið tapði gegn Nurnberg í næst efstu deild í Þýskalandi í dag.
Nurnberg var með 2-0 forystu í hálfleik en Þórir lagði upp mark eftir klukkutíma leik en nær komst liðið ekki og 2-1 tap niðurstaðan.
Ísak Bergmann Jóhannesson var í byrjunarliði Dussledorf sem gerði svekkjandi jafntefli gegn Hannover. Dusseldorf var með 2-0 forystu í hálfleik en Hannover tókst að jafna metin með marki á 86. mínútu.
Dusseldorf er í 6. sæti með 37 stig en Braunschweig er í 16. sæti, sem er fallsæti, með 24 stig.
Elías Rafn Ólafsson var í markinu þegar Mafra vann frábæran endurkomu sigur Leiria í næst efstu deild í Portúgal. Staðan var 2-0 í hálfleik Leiria í vil en Mafra skoraði þrjú mörk í seinni hálfleik og fullkomnaði endurkomuna þegar um 10 mínútur voru til loka venjulegs leiktíma.
Mafra er í 7. sæti með 34 stig.
