Lengjubikarinn: Björn Daníel tryggði FH sigur

FH hefur lokið keppni í Lengjubikarnum en liðið endaði hana með 1-0 sigri á Gróttu í Skessunni í dag.

Björn Daníel Sverrisson skoraði eina mark leiksins í fyrri hálfleik.

FH spilaði fimm leiki og fékk níu stig út úr þeim leikjum. Grótta á eftir að spila einn leik gegn Vestra en liðið er án stiga eftir fjóra leiki.

Breiðablik og Vestri mætast í riðlinum á morgun en Blikar eiga möguleika á að komast áfram í undanúrslit keppninnar.