02.05.21 - 18:55
Guðmundur Aðalsteinn Ásgeirsson
Fylkir skoðar málið - Ekki verið hægt að áfrýja
Unnar Steinn Ingvarsson.
Mynd: Fótbolti.net - Hafliði Breiðfjörð
Unnar Steinn Ingvarsson.
Mynd: Fótbolti.net - Hafliði Breiðfjörð
Fylkismenn voru mjög ósáttir við rauða spjaldið sem Unnar Steinn Ingvarsson fékk í frumraun sinni í Pepsi Max-deildinni í gærkvöld.
Unnar fékk tvö gul á stuttum kafla í fyrri hálfleiknum og var rekinn af velli. Hann fékk fyrra gula spjald sitt fyrir brot á Herði Inga Gunnarssyni á 34. mínútu og á 36. mínútu var hann rekinn af velli þegar hann virtist fara með höndina á undan sér upp í skallabolta.
Erlendur Eiríksson, dómari leiksins, mat það alla vega þannig og vísaði Unnari út af.
Það voru um 90 sekúndur á milli brotanna tveggja.
Seinna gula spjaldið virðist ekki hafa verið mikið brot, að minnsta kosti ekki af myndum að dæma. Hrafnkell Helgi Helgason, formaður meistaraflokksráðs Fylkis, segir að það sé í skoðun að áfrýja þessu spjaldi.
„Það er ekki sama hvort það sé Jón eða séra Jón," skrifar Hrafnkell við mynd af atvikinu á Twitter.
Ekki hefur verið hægt að áfrýja rauðum spjöldum í íslenskum fótbolta hingað til en Fylkismenn ætla sér að skoða málið.
Sjá einnig:
Myndir og myndband: Fylkismenn ósáttir við rauða spjaldið
Erlendur Eiríksson, dómari leiksins, mat það alla vega þannig og vísaði Unnari út af.
Það voru um 90 sekúndur á milli brotanna tveggja.
Seinna gula spjaldið virðist ekki hafa verið mikið brot, að minnsta kosti ekki af myndum að dæma. Hrafnkell Helgi Helgason, formaður meistaraflokksráðs Fylkis, segir að það sé í skoðun að áfrýja þessu spjaldi.
„Það er ekki sama hvort það sé Jón eða séra Jón," skrifar Hrafnkell við mynd af atvikinu á Twitter.
Ekki hefur verið hægt að áfrýja rauðum spjöldum í íslenskum fótbolta hingað til en Fylkismenn ætla sér að skoða málið.
Sjá einnig:
Myndir og myndband: Fylkismenn ósáttir við rauða spjaldið
Það er ekki sama hvort það sé Jón eða séra Jón. pic.twitter.com/e5N5ZAwZJw
— Hrafnkell Helgi Helgason (@HHelgason7) May 2, 2021
Það er í skoðun.
— Hrafnkell Helgi Helgason (@HHelgason7) May 2, 2021
