Álftanes er síðasta liðið sem kemst áfram í þriðju umferð Mjólkurbikars kvenna.

Álftanes sótti SR heim í Laugardalnum í dag en úr varð hörkuleikur á milli tveggja liða sem spila í 2. deild í sumar.

SR tók forystuna í leiknum en Álftanes jafnaði þegar Mist Smáradóttir skoraði. Staðan var jöfn þegar flautað var til leiksloka og því þurfti að fara í framlengingu. Þar reyndist Álftanes sterkari og urðu lokatölur 1-3 í þessum leik.

Álftanes mun í næstu umferð mæta Grindavík, sem er í Lengjudeildinni.