Sterkasta lið 17. umferðar - Á skilið launahækkun

FH náði hins vegar ekki að nýta sér það að Breiðablik tapaði stigum. FH-ingar gerðu nefnilega jafntefli við Val þar sem Lilý Rut Hlynsdóttir skoraði mikilvægt mark fyrir Val í uppbótartíma annan leikinn í röð. „Þegar deildin klárast eftir úrslitakeppni þá gætu þessi fjögur stig sem hún er búin að tryggja þeim verið virkilega stór. Ef Valur heldur sér uppi, þá ætti þau að gefa henni smá launahækkun," sagði Arnar Páll Garðarsson um Lillý í Uppbótartímanum í gær.

Hjá FH voru Helena Marie Errington og Ingibjörg Magnúsdóttir sterkar og komast í sterkasta lið umferðarinnar.

Fram vann sterkan sigur á Stjörnunni eftir að hafa lent 2-0 undir. Alda Ólafsdóttir og Sara Svanhildur Jóhannsdóttir hafa verið sterkar í liði Fram í sumar og voru öflugar í þessum leik.

Víkingur hefur núna unnið tvo leiki í röð en Bergdís Sveinsdóttir og Dagný Rún Pétursdóttir spiluðu mjög vel í 3-0 sigri liðsins gegn Grindavík/Njarðvík.

Þá gerðu Þróttur og Þór/KA markalaust jafntefli. Alessandra Augur, markvörður Þórs/KA, var maður leiksins og Mist Funadóttir lék vel hjá Þrótti.