Real Madrid hefur gefið út 40 manna hóp liðsins sem tekur þátt í Meistaradeildinni á þessari leiktíð.
Nýjasti leikmaður liðsins, Eduardo Camavinga er í hópnum. Marca vakti sérstaka athygli á því að Andri Lucas Guðjohnsen væri í hópnum.
Andri sem er sonur Eiðs Smára Guðjohnsen sem eins og flestir vita lék við góðan orðstyr hjá Barcelona, helstu erkifjendum Real, frá árunum 2006-2009.
Andri lék sinn fyrsta A-landsleik í gær er hann kom inná sem varamaður gegn Rúmeníu. Eiður, aðstoðarlandsliðsþjálfari smellti kossi á son sinn áður en hann fór inná.
Real hefur leik miðvikudaginn 15. september er liðið heimsækir Inter.
Athugasemdir
