Niakhate er 28 ára gamall miðvörður sem kom til Forest frá Mainz fyrir tveimur árum.

Hann lék 37 leiki og skoraði eitt mark á tíma sínum hjá Forest en nú er hann genginn til liðs við Lyon í Frakklandi.

Lyon greiðir Forest 27 milljónir punda fyrir senegalska landsliðsmanninn.

Hann er þriðji leikmaðurinn sem Lyon fær og annar sem kemur frá Forest en Orel Mangala kom frá enska félaginu fyrir 20 milljónir punda og þá kom Said Benrahma frá West Ham fyrir 12,3 milljónir punda.