05.06.17 - 22:10
Alexander Freyr Tamimi
Willum: Það var tafs og hik á honum þá
Auglýsing
Willum og félagar töpuðu í kvöld.
Mynd: Fótbolti.net - Hafliði Breiðfjörð
Willum og félagar töpuðu í kvöld.
Mynd: Fótbolti.net - Hafliði Breiðfjörð
Willum Þór Þórsson, þjálfari KR, var eðlilega svekktur eftir 1-0 tap sinna manna gegn nýliðum Grindavíkur á heimavelli í Pepsi-deildinni í kvöld.
KR er einungis með sjö stig eftir fyrstu sex umferðirnar og situr í 8. sæti Pepsi-deildarinnar. Leikurinn í kvöld réðist á marki Andra Rúnars Bjarnasonar úr vítaspyrnu, en Willum var ekki ánægður með dómgæsluna í aðdraganda vítaspyrnunnar.
KR er einungis með sjö stig eftir fyrstu sex umferðirnar og situr í 8. sæti Pepsi-deildarinnar. Leikurinn í kvöld réðist á marki Andra Rúnars Bjarnasonar úr vítaspyrnu, en Willum var ekki ánægður með dómgæsluna í aðdraganda vítaspyrnunnar.
„Auðvitað er það í svona jöfnum leikjum, þar sem hvorugt liðanna gefur mikil færi á sér, þá getur þetta oltið á ákvörðunum hér og þar. Þetta var mjög afdrifarík ákvörðun hérna í lok leiks, þegar fjórði dómarinn ákveður að dæma leikinn. Við fáum á okkur aukaspyrnu, auðvitað eigum við að gera betur í aukaspyrnunni, þetta er hár bolti inni í teig og við stöndum ekki vaktina, en svona leikur veltur bara á þessu. Við hefðum getað fengið víti í fyrri hálfleik og ef við hefðum náð forskoti þar hefði þetta verið allt annar leikur,\" sagði Willum í leikslok.
„Aðdragandinn að þessu er býsna sérstakur. Finnur Orri vinnur boltann og er bara með hann, og dómarinn inni á vellinum er ekki að fara að dæma neitt. Þá grípur fjórði dómarinn í taumana og ákveður að dæma aukaspyrnu, mjög sérstakt.\"
Í fyrri hálfleik hefði KR hæglega getað fengið víti en þá var ekkert dæmt: „Það var tafs og hik á honum þá. Það segja margir að það hafi átt að vera víti.\"
Aðspurður hvort hann hafi áhyggjur af stöðu KR í deildinni segir Willum: „Það er bara hundfúlt og sárt að hafa ekki náð að landa hér og fara í tíu punkta og taka skrefið. Við erum búnir að spila mjög vel að mínu mati en frammistaðan er ekki að skila stigum, það er auðvitað hundfúlt.\"
„Aðdragandinn að þessu er býsna sérstakur. Finnur Orri vinnur boltann og er bara með hann, og dómarinn inni á vellinum er ekki að fara að dæma neitt. Þá grípur fjórði dómarinn í taumana og ákveður að dæma aukaspyrnu, mjög sérstakt.\"
Í fyrri hálfleik hefði KR hæglega getað fengið víti en þá var ekkert dæmt: „Það var tafs og hik á honum þá. Það segja margir að það hafi átt að vera víti.\"
Aðspurður hvort hann hafi áhyggjur af stöðu KR í deildinni segir Willum: „Það er bara hundfúlt og sárt að hafa ekki náð að landa hér og fara í tíu punkta og taka skrefið. Við erum búnir að spila mjög vel að mínu mati en frammistaðan er ekki að skila stigum, það er auðvitað hundfúlt.\"
