Með landsliðinu í Bandaríkjunum í síðasta mánuði.
Arnór Ingvi Traustason, leikmaður Norrköping, átti frábært tímabil í fyrra og stimplaði sig einnig vel inn í íslenska landsliðið á nýjan leik eftir nokkur ár í takmörkuðu hlutverki.
Arnór ræddi við sænska miðilinn NT um framtíðina en hann var á dögunum t.a.m. orðaður við belgíska félagið Kortrijk. Arnór er þrítugur og sneri aftur til Norrköping sumarið 2022 eftir sex ára fjarveru. Hann er samningsbundinn út tímabilið 2026.
Arnór ræddi við sænska miðilinn NT um framtíðina en hann var á dögunum t.a.m. orðaður við belgíska félagið Kortrijk. Arnór er þrítugur og sneri aftur til Norrköping sumarið 2022 eftir sex ára fjarveru. Hann er samningsbundinn út tímabilið 2026.
„Það var einhver áhugi, en ekkert sem varð að einhverju konkret," sagði Arnór. „Það er aldrei konkret fyrr en einhver leggur fram tilboð."
Arnór er ekki feiminn að tala um það að hann sé opinn fyrir því að yfirgefa Norrköping fyrir stærra félag.
„Algjörlega. Þannig er ég. Ég er ekki feiminn að tala um það, ég verð að hugsa um mig líka. Ég á minn feril. Með fullri virðingu fyrir Norrköping, þá er ég hér að gefa allt sem ég á, en þetta er minn ferill og mitt líf og ef ég hugsa ekki um það þá gerir það enginn," sagði Arnór.
Arnór skoraði níu mörk og lagði upp tvö mörk á síðasta tímabili og var besti leikmaður sænska félagsins. Hann á að baki 54 A-landsleiki.
Athugasemdir
