Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
Höskuldur skoraði tvö: Var með ágætis tilfinningu í nýjum skóm
Jón Þór: Þessi leikur á eftir að nýtast okkur helling
Dóri staðfestir viðræðuslitin: Var kannski ekki eins og menn höfðu séð fyrir sér
Gummi Tóta: Vonaðist til að hjálparvörnin kæmi
Andri Lucas: Vonandi komumst við á stórmót eins fljótt og hægt er
Daníel Leó: Menn eru ennþá í áfalli
Hákon Arnar: Ég vona það fyrir framtíðina
Stefnan er sett á HM - „Maður lærir mest þegar á móti blæs“
„Ekkert eðlilega svekkjandi, ömurlegt bara"
Jói Berg: Grátlegt að vera svona nálægt þessu og ná ekki á EM
Jón Dagur: Líður eins og tímabilið sé búið
Hareide lítur björtum augum á framtíðina - „Þurfum fleiri varnarmenn"
Furðar sig á ákvörðun Rebrov - „Held að Guðmundsson skori"
Beðið um mynd í miðju viðtali - „Ef þú syngur með okkur í 90 mínútur þá ertu í Tólfunni"
Joey Drummer: Besta stund sem ég hef upplifað
Siggi Bond með innherjaupplýsingar fyrir leikinn í kvöld
Sjáðu auglýsinguna fyrir Bestu deildina 2024 - Þekkt andlit í nýjum aðstæðum
27 þúsund miðar seldir á Úkraína - Ísland í Wroclaw skálinni
Víðir Sig: Væri gaman ef annar draumur myndi rætast í þessari borg
Jói bjartsýnn á að geta spilað - „Það róaði taugarnar ansi mikið"
   þri 06. júní 2023 12:35
Sæbjörn Þór Þórbergsson Steinke
Ólafur Ingi: Reyndum að pressa á Ajax og FCK
Mynd: Fótbolti.net - Hulda Margrét
Kristian (nr. 8) og Orri (nr. 10) voru í lykilhlutverki þegar liðið tryggði sér sæti á lokamótinu.
Kristian (nr. 8) og Orri (nr. 10) voru í lykilhlutverki þegar liðið tryggði sér sæti á lokamótinu.
Mynd: Fótbolti.net - Hulda Margrét
Það voru leikmenn sem voru að banka allhressilega á dyrnar og sumar ákvarðanir erfiðari en aðrar
Það voru leikmenn sem voru að banka allhressilega á dyrnar og sumar ákvarðanir erfiðari en aðrar
Mynd: Fótbolti.net - Hulda Margrét
Hilmir Rafn er einn af fjórum leikmönnum sem spila með erlendum liðum.
Hilmir Rafn er einn af fjórum leikmönnum sem spila með erlendum liðum.
Mynd: Fótbolti.net - Hulda Margrét
„Þetta er alltaf erfitt, það eru alveg fleiri leikmenn sem mögulega hefðu getað verið með; fullt af ungum leikmönnum að taka góð skref að taka góð skref í deildunum hér heima og svo eru aðrir erlendis líka," sagði Ólafur Ingi Skúlason, þjálfari U19 landsliðsins, við Fótbolta.net í dag.

Ólafur Ingi tilkynnti í dag hóp skipaðan 21 leikmanni fyrir lokamót EM. Mótið fer fram á Möltu í júlí. Hann segir að síðasta ákvörðun sín hafi verið negld niður fyrir tveimur dögum síðan.

Reyndum að gera allt sem við gátum
Tveir af bestu leikmönnunum sem gjaldgengir eru í U19 landsliðin eru ekki í hópnum. Það eru þeir Kristian Nökkvi Hlynsson og Orri Steinn Óskarsson sem eru á mála hjá Ajax og FC Kaupmannahöfn. Þar sem lokamótið fer fram utan landsleikjaglugga þurfti KSÍ að fá leyfi fyrir því að velja Orra og Kristian en sambandið fékk synjun.

„Því miður, við reyndum aðeins að pressa og reyndum að gera allt sem við gátum gert. En það var svo sem vitað fyrir að þetta er ekki í glugga og liðin hafa þetta neitunarvald. Það er auðvitað leiðinlegt finnst mér fyrir þá aðallega, að þurfa að fara á undirbúningstímabil í staðinn fyrir að fara á lokakeppni."

„Þeir eru báðir búnir að standa sig frábærlega fyrir okkur og skila frábæru verki. Það hefði verið gaman ef þeir hefðu getað fengið að fara með okkur, en við erum með hörkulið og það koma nýir menn inn í staðinn."


Eru á góðum stað hjá sínum félögum
Er ekki hinn póllinn í þessu að þeir eru þá væntanlega nálægt hlutunum hjá Ajax og FCK?

„Klárlega, það er það jákvæða í þessu. Kristian er búinn að taka frábær skref og hefur staðið sig frábærlega með Jong Ajax og er núna í A-landsliðinu sem er frábært skref fyrir hann. Orri hefur líka átt frábært tímabil með SönderjyskE. Þannig þeir eru bara á góðum stað hjá sínum félögum sem er frábært og því ber að fagna."

Tromsö tilbúið að hleypa Hilmi
Fleiri leikmenn eru á mála hjá félögum erlendis. Er allt öðruvísi samtal við þau félög?

„Því nær sem menn eru aðalliðum því erfiðara verður það. Sum liðin horfa á þetta sem tækifæri fyrir sína leikmenn. Það er bara allur gangur á þessu."

Á þeim nótum, Hilmir Rafn Mikaelsson er leikmaður Venezia en er á láni hjá Tromsö þar sem hann er í aðalliðinu.

„Við sendum 'release' á bæði liðin en þetta er aðallega í höndum Tromsö þar sem hann er leikmaður. Það kom bara jákvætt svar þar, sem betur fer."

Taka með þrjá markmenn - Þurfa að vera klárir ef kallið kemur
Var einhver hluti af valinu, eitthvað svæði á vellinum sem erfiðara var að velja í en annað?

„Nei. Við fáum blessunarlega að taka með þrjá markmenn. Þetta er svolítið langt í burtu og ef eitthvað skildi koma upp á þá erum við með þriðja markmann sem er mjög mikilvægt. Uppsetningin á hópnum er ekki ósvipuð en hún hefur verið."

„Það voru leikmenn sem voru að banka allhressilega á dyrnar og sumar ákvarðanir erfiðari en aðrar. En við teljum að þetta sé besti hópurinn. Menn eiga eftir að spila leiki fram að móti og það eru leikmenn sem eru í kringum þetta sem þurfa að vera klárir og gætu verið kallaðir inn vegna meiðsla."


Lítur vel út með Gísla
Talandi um meiðsli. Gísli Gottskálk Þórðarson hjá Víkingi glímir við meiðsli sem stendur.

„Gísli er í hópnum hjá okkur, hann meiddist á móti FH og er á mjög góðri leið að koma til baka. Við höfum mikið verið í samskiptum við hann og hans sjúkraþjálfara. Hann lítur vel út og ég reikna með því að hann verði klár um miðjan mánuðinn sem er bara frábært."

Spilað á kvöldin sem hjálpar
Það er aðeins hlýrra á Möltu en Íslandi. Gæti orðið vesen að aðlagast hitanum?

„Það gæti alveg orðið það, við spilum klukkan níu á kvöldin sem hjálpar okkur. Það er mjög heitt þarna á þessum árstíma. Við förum eins vel undirbúnir og við getum, leikmenn þurfa að vökva sig vel og við tökum með allt sem við þurfum til þess að passa upp á að endurheimtin verði upp á tíu," sagði Ólafur Ingi.
Athugasemdir
banner
banner
banner
banner