Þessi öflugi leikmaður - og námsmaður - er í hinum virta Harvard háskóla þar sem hún sinnir krefjandi námi ásamt því að spila fótbolta.

Hún kom heim til Breiðabliks fyrir nokkrum vikum síðan og býst við að spila eitthvað áfram með liðinu áður en hún heldur aftur út. Það eru frábær tíðindi fyrir Blika sem eru meðal annars að fara að taka þátt í Meistaradeildinni á næstunni.

„Ég næ nokkrum leikjum með Breiðabliki áður en ég fer aftur út,” sagði Áslaug Munda í gær.

Næst á dagskrá hjá henni er samt sem áður Evrópumótið. Fyrsti leikur okkar þar er eftir fimm daga gegn Belgíu.