Víðir vann gríðarlega mikilvægan sigur í 2. deild karla í dag er liðið spilaði við Kára í 20. umferð deildarinnar. Leiknum lauk með 3-1 sigri Víðis á Nesfisk-vellinum.

Nú eru aðeins tvær umferðir eftir af deildinni en Dalvík/Reynir er í neðsta sætinu og þarf á kraftaverki að halda til að halda sínu sæti.

Víðir er sæti ofar nú með 16 stig eftir 20 leiki en eftir sigurinn í dag er aðeins eitt stig í öruggt sæti.

Völsungur situr í 10. sætinu með 17 stig og fyrir ofan er ÍR með 19. Fallbaráttan verður því afar spennandi í síðustu umferðunum.