Hilmar hitar upp fyrir leik Breiðabliks gegn Fram í fyrra.
Fylkir hefur fengið Hilmar Þór Kjærnested Helgason í sínar raðir frá Breiðabliki. Hann er annar efnilegi markvörðurinn sem yfirgefur Breiðablik á síðustu dögum en í gær fékk nafni hans Hilmar Karlsson félagaskipti í Val.
Hilmar Þór er átján ára gamall og verður nítján seinna í þessum mánuði. Hann var fjórum sinnum í leikmannahópi Breiðabliks í Evrópuleikjum í fyrra og einu sinni í Bestu deildinni.
Hilmar Þór á að baki einn leik fyrir U17. Sá leikur var vináttuleikur gegn Finnum í ágúst 2017.
Hilmar skrifar undir samning við Fylki sem gildir út tímabilið 2027. Samningur hans við Breiðablik rann út eftir að síðasta tímabili lauk.
Hjá Fylki er Ólafur Kristófer Helgason aðalmarkvörður og Jón Ívan Rivine var varamarkvörður á síðasta tímabili.
Athugasemdir
