Hver er besti leikmaður fyrsta þriðjungs Pepsi Max?

Í útvarpsþættinum Fótbolti.net næsta laugardag verður þriðjungsuppgjör Pepsi Max-deildarinnar á dagskrá.

Í þættinum í dag var rætt um þá leikmenn sem tilnefndir eru sem besti leikmaður fyrsta þriðjungs.

Þar af eru tveir leikmenn KA, varnarmaðurinn Brynjar Ingi Bjarnason og svo Hallgrímur Mar Steingrímsson.

Einnig er Kári Árnason, lykilmaður Víkinga, tilnefndur ásamt fyrirliða Leiknis, Sævari Atla Magnússyni, sem er markahæstur í deildinni.