Myndir: Aron Einar tók húfuna af Andra Fannari í miðjum leik

Andri Fannar sást þar á mynd þar sem hann er að þurrka boltann fyrir Aron Einar Gunnarsson fyrirliða íslenska liðsins en við kíktum á myndabankann okkar og fundum fleiri myndir af þessu atviki. Þá sáum að sagan á milli þeirra var aðeins lengri í þessu atviki.

Aron Einar var greinilega að fíflast í Andra Fannari þegar hann þurrkaði fyrir hann boltann og endaði svo á að rífa af honum húfuna og henda henni á hlaupabrautina. Í bakgrunni má sjá Tólfuna skella uppúr við þetta atvik.

Myndirnar má sjá hér að neðan en Andri Fannar er farinn til Belgíu með íslenska liðinu sem mætir Belgum í Þjóðadeildinni annað kvöld. Aron Einar fékk ekki leyfi frá félagi sínu í Katar til að vera með í verkefninu.