Leeds keypti Raphinha frá Rennes síðasta sumar en hann hefur skorað fjögur mörk og lagt upp önnur fjögur í ensku úrvalsdeildinni á þessari leiktíð.

Enska félagið greiddi um það bil 20 milljónir punda fyrir Raphinha og hefur hann verið einn af lykilmönnum Leeds á leiktíðinni.

Samkvæmt France Football hefur Liverpool fylgst vel með Raphinha undanfarnar vikur og er hann á lista yfir leikmenn sem félagið vill kaupa eftir tímabilið.

Raphinha hefur einnig spilað með Avaí, Vitoria Guimaraes og Sporting á ferlinum en brasilíski leikmaðurinn er einnig með ítalskt vegabréf sem auðveldar honum að fá atvinnuleyfi á Bretlandseyjum.