England: Lingard skoraði í sigri á Leeds

West Ham gefur ekkert eftir í Meistaradeildarbaráttunni á Englandi en liðið mætti Leeds á heimavelli í kvöld.

West Ham var fyrir leikinn í 8. sæti deildarinnar en gat með sigri lyft sér upp í það fimmta og væri þá tveimur stigum á eftir Chelsea.

David Moyes og hans menn fögnuðu sigri í kvöld en það voru þeir Jesse Lingard og Craig Dawson sem gerðu mörkin.

Fyrra markið gerði Lingard eftir vítaspyrnu en Ilan Meslier varði spyrnu Englendingsins sem náði frákastinu og skoraði.

Mark Dawson kom sjö mínútum síðar en hann skoraði þá með skalla eftir hornspyrnu til að tryggja 2-0 sigur.

West Ham er því í fimmta sætinu, tveimur stigum á eftir Chelsea.