Katrín Ásbjörns: Gerðum það besta úr aðstæðunum

Katrín Ásbjörnsdóttir var nokkuð kát þrátt fyrir markalaust jafntefli við Íra í æfingaleik í kvöld.

„Mjög erfiðar aðstæður, mjög blautt í dag og pollar út um allan völl, en bara krefjandi fyrir okkur og við fengum góðan leik\" sagði Katrín Ásbjörnsdóttir eftir markalaust jafntefli Íslands gegn Írlandi en leikurinn var leikinn í mikilli rigningu við erfiðar aðstæður.

„Þær voru þéttar til baka og við vorum að reyna að komast fyrir aftan þær. Mér fannst við alveg geta það á köflum. Við gerðum það besta úr aðstæðunum og mér fannst við vera að spila vel á köflum. Svo að við erum alveg sáttar.\" hélt Katrín áfram.

Aðspurð að því hvort að eitthvað hefði komið þeim á óvart hjá Írska liðinu í dag sagði Katrín að svo hefði ekki verið.

„Það leggst bara vel í okkur, það verður mjög krefjandi verkefni. Það er leikur sem að við viljum taka,\" sagði Katrín aðspurð út í næsta verkefni en landsliðið mætir Brössum í undankeppni heimsmeistaramótsins.

Sjáðu viðtalið í heild sinni í spilaranum að ofan.