Danijel Arnautovic, bróðir austurríska framherjans Marko Arnautovic, hefur staðfest tilboð Manchester United í framherjann en þetta staðfestir hann í viðtali við austurríska miðilinn Kurier.
Manchester United lagði fram 7,6 milljón punda tilboð í Arnautovic í gær en ítalska félagið Bologna hafnaði boðinu.
Arnautovic er 33 ára gamall og þekkir vel til í ensku úrvalsdeildinni eftir að hafa spilað fyrir West Ham frá 2017 til 2019.
Hann skoraði 14 mörk í Seríu A með Bologna á síðustu leiktíð en gæti nú óvænt verið á leið til United.
„Það er satt að það kom inn tilboð frá mjög þekktu liði. Ég er í sambandi við Bologna og við sjáum hvað gerist," sagði Danijel við Kurier.
Arnautovic er samningsbundinn Bologna til næstu tveggja ára.
Athugasemdir