Magnús Gylfason hitti ekki fyrrverandi eiginkonu Ragnars Sigurðsson og Ragnar daginn eftir að lögregla var kölluð að dvalarstað þeirra vegna grunsemda um heimilisofbeldi.
Í upprunalegri úttekt úttektarnefndar kom fram að Magnús hefði hitt þau á kaffihúsi daginn eftir atburðinn. Nefndin birti uppfærslu í dag þar sem konan sagði þetta rangt og að hún hefði ekki Magnús og Ragnar þennan dag, né nokkurn annan aðila, og hún geti bent á fleiri en eitt vitni því til staðfestingar. Þá hafi hún heldur ekki hitt Ragnar næstu daga.
Sjá einnig:
Segir lygi að hún hafi hitt Magga Gylfa og Ragnar á kaffihúsi
Fótbolti.net hafði samband við Magnús í dag.
„Þetta er rétt hjá fyrrverandi konu Ragga Sig að þetta var ekki daginn eftir atvikið, minnið mitt er bara ekki betra," sagði Magnús.
„Mig minnti að þetta hefði verið þannig og þess vegna sagði ég frá því en þetta var greinilega einhverjum dögum eftir atvikið. Ég vil biðja hana innilega afsökunar á þeim mistökum. Ég hef þegar komið því á framfæri við nefndina sem tók skýrsluna."
„Það stóð aldrei annað til en að segja satt og rétt frá," sagði Magnús.
Athugasemdir
