Kjarnafæðismótið: Skoraði þrennu á fimmtán mínútum í sigri á Dalvík/Reyni

Bjarni Guðjón Brynjólfsson gerði sér lítið fyrir og skoraði öll þrjú mörk Þórsara í 3-0 sigri á Dalvík/Reyni í A-deild Kjarnafæðismótsins í Boganum í dag.

Ekkert var skorað í fyrri hálfleiknum og skoraði Bjarni ekki fyrsta markið fyrr en á 77. mínútu.

Sjö mínútum síðar gerði hann annað mark Þórsara áður en hann fullkomnaði þrennuna þegar tvær mínútur voru komnar fram yfir venjulegan leiktíma.

Þór er búið að vinna báða leiki sína í riðlinum til þessa og mætir svo KF í síðasta leiknum næstu helgi.