Köln 1 - 4 Freiburg
0-1 Nils Petersen ('18 )
0-2 Ermedin Demirovic ('20 )
1-2 Sebastian Andersson ('49 )
1-2 Ondrej Duda ('61 , Misnotað víti)
1-3 Vincenzo Grifo ('90 )
1-4 Jonathan Schmid ('90 )

Fyrsta leik dagsins í þýsku úrvalsdeildinni var að ljúka en þar áttust við Köln og Freiburg.

Köln er að berjast fyrir lífi sínu í deildinni á meðan Freiburg er um miðja deild í þægilegum málum.

Pressulausir gestirnir byrjuðu betur í dag. Nils Petersen kom þeim yfir á 18. mínútu leiksins og einungis tveimur mínútum síðar tvöfaldaði Ermedin Demirovic forystu Freiburg.

Staðan var 0-2 í hálfleik en Köln liðið kom ákveðið til leiks í þeim síðari. Sebastian Andersson minnkaði muninn strax á 49. mínútu leiksins og stuttu síðar fengu heimamenn vítaspyrnu.

Ondrej Duda steig á punktinn en því miður fyrir heimamenn þá brást honum bogalistinn á ögurstundu. Köln reyndi hvað það gat til að jafna metin og kom það rækilega í bakið á liðinu í uppbótartímanum.

Freiburg skoraði á fjórðu mínútu uppbótartímans og á þeirri sjöttu. Leiknum lauk því með 1-4 sigri gestanna og er Köln því enn einu stigi frá öruggu sæti.

Tweet

Senda a Facebook Hafdu samband Senda frétt Prenta frétt Frétta leit