Klich búinn að skrifa undir nýjan samning við Leeds

Samningur Klich hefði runnið út næsta sumar en hann hefur leikið algjört lykilhlutverk í liði Leeds síðustu 15 mánuði. Hann skoraði tíu mörk í Championship deildinni á síðustu leiktíð og er búinn að spila alla leiki liðsins í haust nema einn - tap á heimavelli gegn Stoke í deildabikarnum.

Klich hefur byrjað alla deildarleiki Leeds síðan Marcelo Bielsa tók við stjórnartaumunum í júní 2018.

Klich er 29 ára og hefur spilað 22 landsleiki fyrir Pólland.

Leeds er í þriðja sæti deildarinnar, með 28 stig eftir 15 umferðir. Líklegt er að Bielsa gefist upp á að reyna að koma liðinu upp í efstu deild ef það mistekst aftur næsta vor.