09.11.20 - 11:47
Magnús Már Einarsson
Engir áhorfendur á leik Ungverjalands og Íslands (Staðfest)
Mynd: Fótbolti.net - Hafliði Breiðfjörð
Mynd: Fótbolti.net - Hafliði Breiðfjörð
Engir áhorfendur verða á leik Ungverjalands og Íslands í umspili um sæti á EM á fimmtudag. Ungverjar höfðu stefnt á að hafa 20 þúsund áhorfendur á leiknum en nú er ljóst að svo verður ekki.
Viktor Orban, forseti Ungverjalands, tilkynnti harðari aðgerðir í dag vegna kórónuveirunnar. Engir áhorfendur verða leyfðir á íþróttaleikjum næsta mánuðinn.
Svakaleg uppsveifla hefur verið í fjölgun smita og dauðafalla í Ungverjalandi síðustu vikur en stjórnvöld hafa verið gagnrýnd harðlega fyrir að leyfa áhorfendur á íþróttaviðburðum þar í landi.
Kórónaveiran heldur áfram að hafa gríðarleg áhrif á fótboltann en margir óvissuþættir eru í gangi varðandi komandi landsleiki Íslands.
Arnór Ingvi Traustason verður ekki með íslenska landsliðinu í leiknum eftir að liðsfélagi hans hjá Malmö greindist með kórónuveiruna.
Einn besti leikmaður Ungverja, Dominik Szoboszlai, er í úrvinnslusóttkví eftir að liðsfélagi hans greindist með veiruna.
Svakaleg uppsveifla hefur verið í fjölgun smita og dauðafalla í Ungverjalandi síðustu vikur en stjórnvöld hafa verið gagnrýnd harðlega fyrir að leyfa áhorfendur á íþróttaviðburðum þar í landi.
Kórónaveiran heldur áfram að hafa gríðarleg áhrif á fótboltann en margir óvissuþættir eru í gangi varðandi komandi landsleiki Íslands.
Arnór Ingvi Traustason verður ekki með íslenska landsliðinu í leiknum eftir að liðsfélagi hans hjá Malmö greindist með kórónuveiruna.
Einn besti leikmaður Ungverja, Dominik Szoboszlai, er í úrvinnslusóttkví eftir að liðsfélagi hans greindist með veiruna.
Mynd: Getty Images
