Dominik Szoboszlai, miðjumaður Red Bull Salzburg, er í úrvinnslusóttkví eftir að nokkrir liðsfélagar hans greindust með kórónuveiruna.
Hinn tvítugi Szoboszlai er lykilmaður í liði Ungverja sem mætir Íslandi í umspili um sæti á EM á fimmtudag.
Hinn tvítugi Szoboszlai er lykilmaður í liði Ungverja sem mætir Íslandi í umspili um sæti á EM á fimmtudag.
Szoboszlai er búinn að fara í próf þar sem hann reyndist vera neikvæður. Leikmenn Salzburg fara í annað próf í dag til að athuga hvort fleiri leikmenn séu smitaðir.
Á Twitter síðu ungverska knattspyrnusambandsins kemur fram að Szoboszlai muni koma til móts við ungverska hópinn í kvöld ef hann reynist ekki með kórónuveiruna í skimun í dag.
Arnór Ingvi Traustason, leikmaður íslenska landsliðsins, er á leið til móts við hópinn þrátt fyrir að liðsfélagi hans hjá Malmö hafi greinst með kórónuveiruna í gær.
Athugasemdir
